Հարգելի՛ հաճախորդ,
TOTAL ապրանքանիշի գործիքների համար սահմանված է 1-2 տարի երաշխիքային սպասարկում։
DYLLU ապրանքանիշի գործիքների համար սահմանված է 6 ամիս երաշխիքային սպասարկում։
Սպասարկման կենտրոնի աշխատանքային գրաֆիկը՝
Երկուշաբթի-ուրբաթ՝ 09։30-18։30, շաբաթ՝ 09։00-18։00
Զանգերի կենտրոն հեռ։ (+374) 33 00 04 00
Հասցեն՝ ք․Երևան, Ռոստովյան 9/2
Մինչ սարքի օգտագործումը պարտադիր ծանոթանալ շահագործման կանոններին օգտագործման ձեռնարկի միջոցով։
Սպասարկումը կատարվում է Door to Door և Non-Stop համակարգերով։
Door to Door առաքման ծառայությունը գործում է միայն երաշխիքային սպասարկման մեջ գտնվող գործիքների համար՝ Երևան + 50կմ շառավղով տարածքներում։ Մնացած այլ դեպքերում Երևան քաղաքում միակողմանի առաքման ծառայության արժեքը կազմում է 2000 ՀՀ դրամ, Երևան +50կմ շառավիղով մարզերի համար միակողմանի առաքման ծառայության արժեքը կազմում է 4000 ՀՀ դրամ։
Non-Stop փոխարինող գործիքի տրամադրման ծառայությունը գործում է երաշխիքի մեջ գտվող էլեկտրական կամ բենզինային հատուկ տեսականու համար։
Երաշխիքային սպասարկումն իրականացվում է, եթե ներկայացված է ճշտգրիտ և լիարժեք լրացված երաշխիքային էլեկտրոնային կտրոն, (totalservice.am կայքում կամ հավելվածի միջոցով), ինչն էլ թույլ է տալիս նշված ժամկետում գործիքն անվճար վերանորոգել:
Տվյալ երաշխիքային կտրոնը գործում է միայն TOTAL և DYLLU ապրանքանիշերի պաշտոնական ներկայացուցիչ «Մեհրաբյան և Որդիներ» ՍՊԸ-ի կողմից Հայաստան ներմուծված գործիքների համար:
Սպասարկումն իրականացվում է միայն Տոտալ Սպասարկման Կենտրոնի (այսուհետ ՏՍԿ) արհեստանոցում։
Սխալ տեղադրման, տեղափոխման, ոչ լիցենզավորված անձանց կողմից վերանորոգման կամ սարքի ձևափոխությունների, վերասարքավորման փորձերի իրականացման դեպքերում երաշխիքային սպասարկումը չի գործում։
Գործիքը պետք է ներկայացնել սպասարկման կենտրոն ամբողջությամբ և այն դետալներով, որոնցով ձեռք եք բերել խանութ-սրահից:
Երաշխիքային սպասարկումը չի ներառում փոխարինում, պրոֆիլակտիկ մաքրում, սարքի տեղադրում, կարգավորում, մոնտաժման և ապամոնտաժման ծառայությունները։
Երաշխիքային սպասարկման ենթակա չեն այն սարքավորումները, որոնց թերություններն առաջացել են հետևյալ պատճառներով.
- սխալ շահագործում, անփույթ վերաբերմունք, պատահարի հետևանքով առաջացած մեխանիկական, ֆիզիկական, ջերմային և այլ վնասվածքներ․
- սարքի մեջ օտար մարմինների, միջատների և հեղուկների ներթափանցում․
- վնասվել է կեղտից, բացակայել է կամ ժամանակին չի փոխարինվել օդի կամ վառելիքի զտիչը․
- բենզինով կամ յուղով աշխատող շարժիչային և մեխանիկական գործիքների համար օգտագործվել է ոչ համապատասխան վառելիք (վառելիքի և քսայուղերի համապատասխանելիությունը նայել տվյալ գործիքի տեխբնութագրով)․
- գերծանրաբեռնված օգտագործելու ընթացքում առաջացած անսարքություններ, որոնցից են դեֆորմացիան, լարերի հալումը, ստատորի ածխանալը և այլն․
- հոսանքի սնուցման և տելեկոմունիկացիոն ցանցերի պետական տեխնիկական չափանիշներից շեղումների պատճառով վնասվածքներ․
- սխալ շահագործման պատճառով ֆիզիկական կոտրվածք, վնասվածք ունեցող գործիքը։
Արագամաշ դետալները (միացման կոճակներ, սնուցման լարեր, կոնտակտային ածուխներ, ակներ, ռետինե գոտիներ, ռետինե կամ թղթե միջադիրներ, շարժիչի այրման մոմիկներ, ուղղորդվող ռոլիկներ, օդի և վառելիքի զտիչներ, պտուտակադարձիչի պատրոններ, մեկնարկման պարաններ) երաշխիքային սպասարկման ենթակա չեն: Երաշխիքը չի տարածվում նաև մարտկոցների և սնուցման սարքերի վրա։
Գումարի վերադարձ ՏՍԿ-ն չի իրականացնում:
Սարքի փոխարինում կատարվում է այն դեպքում, երբ խափանված սարքը (որը վերանորոգման ենթակա չէ) գործարանի կողմից խոտան է ճանաչվում և դրան տրվում է անսարքության եզրակացություն։
ՏՍԿ-ն իրավունք ունի խափանված սարքը հետազոտման և վերանորոգման նպատակով պահել մինչև 5 օր, որի ընթացքում, հաճախորդի ցանկության դեպքում, կարող է վերջինիս տրամադրել փոխարինող գործիք (վերաբերում է միայն երաշխիքային սպասարկման մեջ գտնվող գործիքներին)։ Պահեստամասերի բացակայության, սարքի կալիբրացիոն, էլեկտրական պլատաների վերանորոգման դեպքում սարքի վերանորոգման աշխատանքների ժամկետը ենթակա է վերանայման։
Փոխարինող գործիք տրամադրվում է միայն Door to Door առաքման ծառայության սահմաններում։
Վերանորոգումից հետո 3 ամսվա ընթացքում հաճախորդի կողմից սարքը չվերցնելու դեպքում Տոտալ Գրուպը պատասխանատվություն չի կրում ապրանքի համար և այն համարվում է թափոն:
Գործիքը պետք է ՏՍԿ մոտեցնել կամ գործակալին հանձնել հնարավորինս մաքուր վիճակում։
Գործիքի մաքրման աշխատանքները երաշխիքային սպասարկման մեջ ներառված չեն, կատարվելու են վճարովի տարբերակով՝ կախված գործիքի չափերից և աղտոտվածության աստիճանից։
